كوكا عاشقة عبدالوهاب
Admin
عدد الرسائل : 101
تاريخ التسجيل : 14/04/2007
 | موضوع: حكاية احمد وكوكا  الأحد أبريل 22, 2007 1:59 am | |
| حكـايـة جـــواز
أحمـــد و كــوكـــا
حكايه كل شباب انهارده .. حنشوفها في شخص أحمد الطالب الجامعي المتخرج من 4 سنين من أشعة السنبلاوين .. و حبيبته كوكا, بكالوريوس كمبيوتر قسم ( كهربه أفراح ) !
أحمد تتجوزيني ؟
كوكا ـ أفندم ؟
أحمد ـ بقولك تتجوزيني ؟
كوكا ـ !!!!!
أحمد ـ تتجوزيني ؟
كوكا ـ لا !
أحمد ـ ليه ؟
كوكا ـ بصراحة كدة شكلك مش عاجبني ..
أحمد ـ إزاي يعني ؟
كوكا ـ يعني .. أصل أنا ليا مواصفات معينة لفارس أحلامي .
أحمد ـ مواصفات معينة ؟ .. هو انتي هتتجوزي عربية ؟
كوكا ـ لا ! .. بصراحة كدة .. إنت مش فارس أحلامي اللي باتمناه !
ـــــــــــــــــــــــــــــــــــــــــــــــــــــــــــــــــــــــــــــــــــ
أحمد ـ تتجوزيني ؟
كوكا ـ إيه ده ؟ شكلك اتغير !
أحمد ـ إيه رأيك ؟
كوكا ـ واو .. شعرك بقة ناعم ! .. دي باروكة ؟
أحمد ـ أيوة
كوكا ـ ودي عدسات خضراء ؟
أحمد ـ أيوة
كوكا ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
أحمد ـ مين عباس كيج ده ؟
كوكا ـ عباس ؟!! ياي .. إيه عباس دي ؟ اسمه نيكولاس ..
أحمد ـ مين نيكولاس ده ؟
كوكا ـ بقة مالكشي في السيما وجاي تكلمني ؟ .. ياي !
ــــــــــــــــــــــــــــــــــــــــــــــــــــــــــــــــــــــــــــــ
أحمد ـ تتجوزيني ؟
كوكا ـ انت لسة ليك عين تكلمني ؟
أحمد ـ أيوة .. أنا عرفت مين بنكرياس كيج ده
كوكا ـ أولاً : اسمه نيكولاس كيج ..
أحمد ـ أيوة أيوة .. كنت هاقول اسمه صح .. بس اختصرته .. ده ممثل
كوكا ـ ممثل إيه ؟
أحمد ـ ممثل أمريكاوي
كوكا ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي
أحمد ـ دونكي دي تبقى شتيمة ؟
كوكا ـ أوف كورس
ــــــــــــــــــــــــــــــــــــــــــــــــــــــــــــ
أحمد ـ تتجوزيني ؟
كوكا ـ عندك عربية موديل كام ؟
أحمد ـ موديل دي تبقى شتيمة ؟
ـــــــــــــــــــــــــــــــــــــــــــــــــــــــــــــــــــــــــ
أحمد ـ تتجوزيني ؟
كوكا ـ قوللي الأول .. حاطط أنهي نغمة في الموبايل بتاعك ؟
أحمد ـ نغمة دي تبقى شتيمة ؟
ـــــــــــــــــــــــــــــــــــــــــــــــــــــــــــــــــــــــــــــــــــــــ
أحمد ـ تتجوزيني ؟
كوكا ـ ما قلتليش .. إنت بتشتغل إيه ؟
أحمد ـ أنا -بلا فخر- عاطل
كوكا ـ عاطل ؟ .. ياي ! ..
أحمد ـ مش أحسن من اللي ما بيشتغلش ؟
كوكا ـ لا
أحمد ـ يعني مش هتتجوزيني ؟
كوكا ـ لا يا أحمد
أحمد ـ كدة أنا أزعل
كوكا ـ ما تزعلش يا بابا .. خليك فريش
أحمد ـ ماشي .. ماشي .. بس قوليلي ..
كوكا ـ إيه ؟
أحمد ـ فريش دي تبقى شتيمة ؟ (منقول) | |
|
